ازيكم يا حبيباتى
جبتلكم صوره واضحه لاهم 3 حاجات بنستعملها ف شغل الاكسسوارات من غيرها مش هاينفع تشتغلي.
وعلي فكره هما مش غالين  خاالص يعني بتمن عقد من اللى بتجيبيهم جاهز تقدرى تجيبيهم عندك وهايفضلوا معاكى العمر.
فيه زراديه قطع ودى بنستعملها ف قص المسامير او اى حاجه صلبه بنستعملها
زراديه عاديه ودى بنقفل فيها  الزرد ( الزرد ده اللى هو الحلقات  اسمها زرد )
تالت حاجه بقي زراديه دوره ودى بنقفل بيها المسامير اللى بتكون مقفوله ع شكل دايره
كل ده هانتعلمه مع بعض واحده واحده
انا ببدا معاكم من اول حاجه خالص عشان تفهموا  كل حاجه صح من الاول
ودول 3 حاجات من اساسيات شغل الاكسسوارت ومفيش غنى عنهم ابدا لازم تيجيبهم من عند اى واحد بيبيع خامات اكسسوارات او خردوات قوليله عايزه ادوات شغل الاكسسوارات وانتى اهو عرفتى شكلها

حاولوا تجيبوها بقي فى اقرب وقت عشان نبدا مع بعض اول درس هانعمل اسوره بسيطه جدا
هانحتاج
1 خيط مطاط
2 خرز اى لون انتى عايزاه
3 فواصل الماظ
الحاجات دى بتجيبيها من عند اى محل بيبيع خامات اكسسوارات
وان شاء الله الدرس اللى جاى هانتعلم سوا بالصور ازاى نعملها.
اى حاجه مش واضحه ليكم  سيبوا تعليق تحت المشاركه هنا وانا هارد عليكم باذن الله على طول
تحياتى ليكم  ( فتيات مسلمات ^_^ ايمان حمدى  )